أنا زعلانة

أنا زعلانة

وانا زعلان ، بس من شو ما بعرف

أنا زعلانة بس بعرف ليش

ههههههاههااهاه

ايه، كتير منيح، يعني وضعك احسن مني

لا

لكن ؟

أنت مانك زعلان

مبلا، طالما اصدقائي زعلانين فأنا زعلان، بس هني عرفانين ليش زعلانين ، بس انا مبعرف ليش هني زعلانين

يعني زعلان وما بعرف السبب

أنا زعلانه لأن ما حد عم بيسأل عني

اها،

ليش شو صاير شي جديد ؟

لاااااااااااااااااااااااااااااااااااااااااااااا

ماهي هيك حال الدنيا من يوم يومها،

بس بغيب بغيب و ما حد بيسأل عني

ايه، كل واحد فينا هيك صاير فيه، وماحدا فاضي لحدا

انا اصدقائي بالشام، اللي كنا نروح ونطلع على طول مع بعض صارلي من راس السنة ماشفتهم ومع ذلك لاهني اتصلو ولا انا اتصلت،وكأنه ما بنعرف بعض ابدا

يبدو انه هاي صارت الموضة الجديدة ، لما بنجتمع بنحكي ولو ما اجتمعنا ماحدا بيسأل عن حدا

حاسة بالوحدة بس

ايه، عملي متل ما انا عملت

انا وحيد ومنشان هيك بدور على ناس وحيدين متلي وبحاول اخلق جو مشترك، بس مش في الحقيقة، في العالم الافتراضي،

هاد الشي انا عملته على البلوج،

شو عملت أنت؟

جربت المنتديات ما عجتبني كانت تجربة فاشلة

لا

منشان هيك عملت بلوج، وبلشت اشتغل عليه وخلقت اصدقاء لحالي

أنا ما عاد بدي دور بالعالم الافتراضي

ايه، انا من العالم الافتراضي قدرت اخلق شي حقيقي، بس انا ظروفي غير عنك

لأني ما بعرف ميز بين افتراضي و حقيقي

ايه، وتذكري انه الوحدة هي شي نحن ممكن نخرج منه، ماحدا راح يخرجنا منه

صح

بس ما بدي الحل يكون الكمبيوتر

لأني رح اختنق

لك ياعمي احمدي ربك على الاقل انتي عندك 3 اولاد حواليكي، شو بقول انا، اللي برجع على البيت بحاكي الحيطان

أنا عندي 3 أولاد و أخدين وقتي كله .......بس بتمنى حدى يشعر فيني أنا الانسان.......يعني أنا ما بس أم

اوكي

سوري، انا بالشغل، والتلفون مابيسكت

ايه، وين كنا

لا و لا يهمك

شوفي انا تعلمت شغلة كتير مهمة بالحياة وماشي عليها من زمان

و هي؟

انا اللي بحب حالي وانا اللي بهتم بحالي وانا كل شي بالدنيا، انا الاول وانا الاخر،

ولو صار ولاقيت ناس تحبني وتهتم فيني بيكون منيح ولا مالاقيت بيكون متل بعضها

هداك اليوم شفت فيلم البطل بيقول عبارة عجبتني كتير

بيقول فيه انه عميدور على انسانة بيقدر يعيش بلاها لحتى يحبها

مابده يحب انسانة ومايقدر يعيش بدونها

أنا ما بدي حدى يحبني و لا بدي حب حدى خلاص الحب ما خلق منشاني و هذا شيء لا غبار عليه بس بحاجة لصديق

اقدر أحكيله و يقدر يفهمني

ايه، مابعتقد الموضوع بهالسهولة،

انا من زمان لفيت موضوع الاصدقاء من حياتي

انا لغيته كمان بس لحس اني بحاجة إلهم

لك أنا ما عاد شفت حدى حلو و رائع

ايه، ما انا صارلي ساعة عمقول انه انا نفس الشي، ليش متصورة انه هاي مشكلتك انتي بس

ماعاد في شي حلو في هالمجتمع

هاد مجتمع كله تعصب وتخلف

من كم شهر كنت لو سألتني عن حدى كنت رح قول عبارات متل بيجن و رائععععععع هلأ ما في حدى بيجنن و لا حدى رائع

مافي مخرج غير انه الواحد يتركه ويمشي او يكون متله

وانا صعب كون متله، منشان هيك انا غريب في هالمجتمع ووحيد كمان

بعرف ما هي مشكلتي أنا و بس

بس هي مشكلتي

يعني حاسة حالي أنانية بس تعبت كمان من هموم البشرية

طالما هي مشكلة، انا لو كنت محلك بدور على حلول،

ولو مالقيتي حلول ما تهتمي، لأنه غالبا مافي حل

إذن ليش بدي دور؟؟؟؟؟

لأنه الحياة فيها صدف ومفاجأت كتير، لازم الانسان يكون جاهز وفاتح ايديه للدنيا، ما يسكر ايديه ابدا، لحتى بس تجي الريح يطير معها

يا ريت كلامك صح

ايه،صح

انا شفت كتير

بس انتي ، لو قعدت انصحك سنين وسنين مارح تعملي شي،لأنه ماعندك حل، امورك بأيدك ماحدا بيحلها غير انتي،

بعرف هالشيء

لاتلومي اصدقائك، لأنه الصداقة اخد وعطا، والصداقة بحاجة لفعل، مابيكفي الصديق انه يسمع ويسمع ويسمع، لازم يقول رأيه ولو قال رأيه لازم يكون مسموع وإلا مابيكون صديق

انتي مافيكي تسمعي لأنه ظروفك مش بإيدك،

وما راح تكون في ايدك،

انتي حبيسة مجتمع ظالم، كل همه الحجاب والقرأن وبس

ما راح تتحرري منه طالما ما تغير المجتمع، مافيكي تغيري المجتمع

فيكي تحملي حالك وتطلعي برات البلد وتتخلي عن كل شي ماضي وبس، او ماعندك حل، بدك تضلي حبيسة هالظلم ، ومتلك كل العالم اللي عايشين هون ، انا وانت و جيراني وجيرانك، كلنا مظلومين بس مافي بإيدنا حل

يا بنرحل يا بنقبل بالظلم، وما في حل تاني،

فكرك ما فكرت فيها؟اني احمل حالي و روح من هالبلد؟

ما بعرف، لو كنتي فكرتي او لأ، بس انتي طالما هون في البلد، فأنتي مش برات البلد

بس الاولاد

ماتحكلي عن ظروفك بعرفها منيح، وبعرف انه مافيكي تعملي شي لحالك

اولادي بدون يدفعوا الثمن

ايه، خليكي انتي عمتدفعي الثمن

انا لازم ادفع الثمن هنن شو ذنبون؟

طيب متل ماقلتلك خليكي، انت متلك متل كل الناس في هالمجتمع

كلنا مظولمين

ما ذنبون إذا مصير امهم تحدد ب 19 يوم ....و انا عمري 19 سنه..........ما عرفت انها كانت غلطة كبرى

شوفي، انا ما عمقول انه ذنبهم،

انا عمقول عندك حلين،

يا بتتركي كل شي وبتمشي يا بتظلي بالبلد وانتي وحدك بتتقرري

لو بدك تقعدي منشان ولادك فهاد حقك ولو بدك تتركيهم وتمشي هاد حقك ،، بس انتي وحدك اللي بتختاري

بعرف

لا القانون ولا المجتمع معك، تنياتهم اظلم من بعض

: (

ما بتبكي مابيفيد البكا ولا راح يغير شي من هالظلم،

على الأقل بتفك هالغصة ألي بحلقي من الصبح

ايه، لو على هيك بس بسيطة ، ابكي شوي ورجعي ضحكي بعدين

عملي متلي،

ضحكي

بيعيها وحبي حالك،

رح أضحك

بعد شوي برجع بحط قناعي

ايه، بيكون كتير منيح، وانا كمان ببطل زعلان

أنت ما زعلان

أنت أسعد إنسان بهالدنيا

انا خلقت سعادتي بإيدي، ما حدا عطاني ياها ولا طلبتها من حدا

ما عم أحسدك عليها

ولو كانت السعادة مرتبطة بحدا تاني، مابتكون سعادة

السعادة شي بيخلق جواتنا

شي بيكون في داخلنا مابده طاقة ولاقدرة خارجية

نحن اللي بنعطي السعادة ماحدا لازم نأخدها منه،

كمان بعرف .........و مقتنعة بكلامك

بس ما عم بعرف طبقه على حالي

اوكي هون المشكلة،

دوري على حل لهالشي ، ما تدوري على حدا يقدملك حل، الصديق مابيكفي لحاله، لازم يكون في اسلوب نقدر نعيش من خلاله