وحدن
ــ .. طلال حيدر .. ــ
وحدن بيبقو متل زهر البيلسان
وحدهن بيقطفو وراق الزمان
بيسكرو الغابي
بيضلهن متل الشتي يدقوا على بوابي على بوابي
يا زمان
يا عشب داشر فوق هالحيطان
ضويت ورد الليل عكتابي
برج الحمام مسور و عالي
هج الحمام بقيت لحالي لحالي
يا ناطرين التلج
ما عاد بدكن ترجعو
صرخ عليهن بالشتي يا ديب بلكي بيسمعو
وحدن بيبقو متل هالغيم العتيق
وحدهن وجوهن و عتم الطريق
عم يقطعوا الغابي و بإيدهن متل الشتي يدقوا البكي و هني على بوابي
يا زمان من عمر فيي العشب عالحيطان
من قبل ما صار الشجر عالي
ضوي قناديل و أنطر صحابي مرقو فلو بقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو
===========
ــ .. طلال حيدر .. ــ
وحدن بيبقو متل زهر البيلسان
وحدهن بيقطفو وراق الزمان
بيسكرو الغابي
بيضلهن متل الشتي يدقوا على بوابي على بوابي
يا زمان
يا عشب داشر فوق هالحيطان
ضويت ورد الليل عكتابي
برج الحمام مسور و عالي
هج الحمام بقيت لحالي لحالي
يا ناطرين التلج
ما عاد بدكن ترجعو
صرخ عليهن بالشتي يا ديب بلكي بيسمعو
وحدن بيبقو متل هالغيم العتيق
وحدهن وجوهن و عتم الطريق
عم يقطعوا الغابي و بإيدهن متل الشتي يدقوا البكي و هني على بوابي
يا زمان من عمر فيي العشب عالحيطان
من قبل ما صار الشجر عالي
ضوي قناديل و أنطر صحابي مرقو فلو بقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو
===========
5 comments:
الله
كلام جميل يدخل القلب
شكرااااااااااااا
وفقنا الله لما فية الخير
مع خالص تحياتى
واحدة من أغنياتي المفضّلة..
على فكرة، مبروك على تغيير شكل البلوج، بس أنا كان عاجبني الشكل القديم أكتر :)
شكرا إيف،
وأنا متفق معك انه الشكل القديم كان احلى
:)
لكن التغيير هو الشي الوحيد الثابت في الكون، وأنا عندي ايمان غريب بقوة التغيير ونتائجه على الحياة
:))
هلّق إنت بتحبّ الشكل القديم أكتر، ومع ذلك غيّرته؟
ليش يا خيّي مازوشي هالقد؟ ليه عم تعمل بحالك هيك؟ :pp
هاهاههاها
لا ياإيف القضية مش قضية مازوشتية، القضية متعلقة بأنه التغيير يحمل متعة و يهدف إلى تجربة اشياء جديدة تحمل بداخلها جمال التجربة و التغيير
و بعدين مين قال انه الانسان لازم يحافظ على نفس الازواق على طول، مش لازم يجرب ازواق والوان جديدة
:))
Post a Comment