بدي اكتبلك

قلت بدي اكتبلك، وبلشت دور على الكلام ، كبرت القصة وصار بدها حكي، كبرت القصة وصارت اكبر من البحر، اكبر من السما، اكبر من الكون، القصة قصة حب، ومابعرف لو في كلام على قد الشوق وحكايا الغرام، حبيبي، بيني وبينك في صحرا وحدود، لكن شو قصة الحب كيف سرق قلبي مني وخلاه عندك على طول موجود، قلبي معك على طول، ناطر الليل ليرجع ومن بعدو نهار تاني تايطلع، عميعد الدقايق ، عميعد الثواني، حتى يشوفك لحتى يخبرك انو بحبك، يمكن القصة كبرت كتير لكن كلمة واحدة بتكفيها " بحبك"