Saturday, August 27, 2005

كل شي بالمخفي حلال؟

كل شي بالمخفي حلال؟؟ شو الصح بهالمقولة ، مش شايف فيها اي شي صح ، ليش الناس هيك عمتشتغل ، ليش ما بيقدروا يواجهو حياتهم بالصراحة ، ليش ما بيكشفو الجراح لضو الشمس لحتى تشفى وتتحسن، مش احسن ما تتعفن الجراح ويصير معهم غرغرينا،

هالموضوع اليوم من الصبح عميلف ويدور في راسي موضوع كان صديقي مبارح اثاره، كان سؤاله غريب وبنفس الوقت بسيط، سألني وهو كتير معصب " ليش لما بيكون عندي علاقة مع انسانة بالسر ممكن تستمر العلاقة سنين وما حدا يسألني عن ديني ولا عن طائفتي، بس لو فكرنا نعلن علاقتنا او انه نتجوز اول شي راح يسألوني عنه ديني ، شو دينك شو طائفتك، ليش يعني؟ ، ليش بقدر مارس الجنس مع بنتهم بالسر سنين وما حدا بيسألني عن ديني ، بس لو فكرت اتجوزها وأعلن علاقتي فيها ، بيصير الدين مشكلتهم، وبيصير كل شي مشكلتهم"

ما قدرت جاوبه ، غير جواب واحد، سيبك منهم وعمول اللي بدك ياه، لو كنت سعيد بعلاقتك بالسر ، خليها بالسر، لو كان بدك تتجوزها! سافرو لغير بلد وهونيك تجوزوا ، ما في شي بتقدر تعمله هون ، هون الناس خلص صارو حالة ميؤس منها،

المشكلة في مجتمعنا انه ماشي على عرف اجتماعي ، الحل الوحيد للتهرب منه هو مقولة الناس بتشتغل عليها و بيطوروها / كل شي بالمخفي حلال/

اكيد راح ارجع لكفي الموضوع، بس هلق عندي شغل لازم انجزه ..




----------

متابعة


يبدو ان هذا الموضوع لن يتركني و لن يغادر بسهولة لذلك سأعود لمتابعته علني اقوله فيخرج من رأسي ،
ماهو سر كل شي بالمخفي حلال ، كيف تعيش هذا المجتمعات، لم ازل اذكر كلمات قرأتها منذ فترة طويلة في احدى الروايات، كانت الرواية تتحدث عن مدينة عربية ، كل الرجال فيها يتفاخرون بأنهم من أفحل الرجال وانهم ينامون مع عدد كبير من النساء ، عدد لايحصى، وفي نفس الوقت كل منهم يفتخر ان اهل بيته من أشرف الناس!!!! كانت الرواية تثير سؤالا مهما : لو كان الرجال يمارسون الجنس مع هذا العدد الكبير من النساء فمن اين تأتي هذه النساء وهم يفاخرون بنفس الوقت ان نسائهم من اطهر النساء!! لابد ان هناك كذباً، ولكن اي القصتين هي الكاذبة ، اهي فحولتهم الخارقة، ام طهارة أهل بيتهم ، ام بعض من هذه وبعض من تلك ؟؟؟

متى سنخرج من هذه الثنائية التي لا نزال ندور في فلكها ، الفحولة و الطهارة ، متى سيشفى هذا المجتمع من امراضه، ام انه مجتمع ميؤوس منه؟؟

No comments: